Aminado si Manuel Lamata, presidente sang United Sugar Producers Federation (UNIFED) nga dako ang halit sang Bagyo Paeng sa Negros Occidental bangud sa pagbaha.
Kun mabahaan ang tubo suno kay Lamata, nagaluntad ang inversion kun sa diin yara ang mechanism nga nagabalik sa pagkabata ang tubo bangud nasobrahan sang tubig nga nagaserbe nga patimaan para diri nga kinahanglan pa sini nga magtubo.
Suno kay Lamata, mas barato ang presyo sang kalamay tatlo ka tuig ang nakaligad bangud mas barato pa ang produktong petrolyo, abono kag iban nga inputs.
Sang amo nga tinuig, P1,800 tubtub P2,000 ang mill gate price sang sako sang kalamay.
Apang kun ibalik sa nasambit nga mill gate price sa P1,800 tubtub P2,000, indi nalang magtanom sang tubo ang mga planters bangud wala sila ginansya.
Suno kay Lamata, nagmahal ang presyo sang tanan nga mga balaklon kag nagmahal ang production cost kun sa diin ang karbaw nga sadto nagabili sang P30,000 ang halos nagdoble na.
