Magabaligya man ang Sugar Regulatory Administration (SRA) – Negros Occidental sang kalamay sa presyo nga P70 suno kay 5th District Representative Atty. Dino Yulo.
Suno kay Yulo, inisyatibo sang private sector nga pagbaligya sang “brown sugar” nga may tatak BBM sa presyo nga P70 kada kilo kag gin-anunsyar nga ini ang epektibo man sa Negros Occidental.
Suno sa kongresista, ini bangud liwat naman nga nagsaka ang presyo sang kalamay sa merkado gani ginpapanaog ini sa P70 kada kalo agud maestablishar nga kaya gale mapanubo ang presyo.
Suno sa iya ini agud makapadala sang mensahe sa wholesaler kag sugar traders kag mapunggan ang hoarding.
Suno diri, nag-anunsyar na ang SRA office sa probinsya nga magabaligya man sang kalamay sa presyo nga P70 kada kilo kag ini ang direkta sa mga konsumedor kag indi sa mga retailers.
Ginalauman man sini nga posible nga ini ang dagsaon sang mga tawo bangud may natural spike sa demand sang natural brown sugar sa karun nga nagahilapit ang tigkalalag.
Suno kay Yulo, duha ka butang ang ginakonsiderar sa pagset sang presyo sang kalamay kag ini amu nga dapat affordable ini para sa mga konsumedor kag dapat may ginansya man ang mga mangunguma.
