Nagresulta sa rambol ang sunloganay sa pagpangayo sang balato sa tricycle driver nga nakakuha sang ayuda sa Burgos Extension, Bacolod City, kahapon alas-10:00 sang aga.
Sa interview sang Bombo Radyo kay Police Chief Master Sergeant Gegger Sebuan, investigator on duty sang Bacolod Police Station 4, nagpadulong sa ila estasyon ang driver nga si Rolly Dacillo, 52 anyos, residente sang Brgy 14, Bacolod City, para ireklamo ang duha man ka tricyle drivers nga sanday Avilino Gimarangan, 40 anyos kag Manny Amparado, 40 anyos nga lunsay mga residente sang Prk Paho, Brgy Estefania, Bacolod City.
Suno kay Sebuan, santo sa panaysayon ni Dacillo, sang nakabaton siya sang ayuda ginsunlog siya ni Gimarangan kag Amparado para mangayo sang balato.
Apang nangutos si Sebuan bangod nakapoy ini kag tuyo amo nga nagresulta sa sinumbaganay.
Pahayag ni Sebuan nga gin-estorya na nila ang tatlo kag nasettle na ang problema.
Dugang pa sini, magkaupod pa ang tatlo sa isa ka tricycle sang naghalin na sila sa estasyon.
Mensahe sini nga likawan ang pagkutaw-kutaw kag maghatag sang respeto sa isa kag isa.
