Padayon pa ang imbestigasyon sang Bureau of Fire Protection sa sunog nga nag-ibwal sa SM Hypermarket sa Brgy. Handumanan syudad sang Bacolod kaina sang kaagahon.
Ang sunog nagsugod ala-1:30 sang kaagahon kag nagpadayon tubtob mag-udto.
Sa interview sang Bombo Radyo Bacolod sa isa ka fire brigade volunteer nga si Albert Mendoza, bangod sa kakitid sang lugar, nabudlayan ang mga nagresponde sa pagtupok sang kalayo gani padayon lang ang pagtub-ok sang kaso nagikan sa sulod sang establisyimento.
Ginaalegar nga airconditioning unit ang gintunaan sang kalayo.
Indi magnubo sa 10 ka mga firetrucks ang nagresponde sa sunog nga ginalakipan sang nagikan sa Bacolod, Murcia, Talisay kag mga volunteer fire brigades sa ciudad.
Suno kay Mendoza, napilas ang iya nga tudlo bangod natukod niya ang iya kamot sa kristal sang siya ang nagresponde.
Wala labot sa mga katapo sang BFP, nagresponde man ang mga kapulisan sang Police Station 10 agud mapasiguro ang seguridad sa nasambit nga lugar kasubong sa pagstandby sang ambulansya sa tion nga may magluntad nga aksidente.
