BACOLOD CITY — Ginakulang sa karun ang supply sang tubig sang Bacolod City Water District kadungan sang tig-ilinit.
Ini ang gin-ako ni Engr. Samuel Penado, assistant general manager for operations sang BACIWA, kadungan sang pagsaka sang demand sang tubig nga ginakonsumo sang mga pumuluyo bangud sa tuman kainit nga panahon.
Suno kay Penado, nagninit ang tubig sa mga deep wells nga ginakuhaan sang water district kun sa diin halin sa 100 drums kada adlaw sang tiempo tig-ululan, nagnubo ini sa karun sa 60 drums tagsa ka adlaw.
Ang BACIWA ang may yara sang masobra 50 ka mga bubon apang nagdeplete ang water capacity sang halos tanan nga deep wells, bisan nagdugang pa sila sang pito ka bag-o nga mga bubon.
Magluwas diri, nag-break down man ang bubon sa Barangay Felisa amo gani nga ginsirado ini samtang gina-rehabilitate.
Nahibaluan nga 47 million liters per day ang kinahanglanon sang tanan nga konsumidor sang BACIWA apang 42 million liters per day lamang ang supply sini.
