Anuman nga oras subong nga adlaw may yara na sang pasakaan sang kaso may angut sa robbery-hold up incident sa duha ka jewelry stores sa isa ka mall sa Brgy. Sincang Airport, Bacolod nagligad nga semana.
Santo sa kumpirmasyon ni Bacolod City Police Office (BCPO) Director Police Colonel Henry Biñas, kapin sa tatlo ka mga natumod nga suspetsado ang ila pasakaan sang kaso subong nga adlaw samtang padayon pa nila nga ginatumod ang iban.
Ginahulat na lang nila sa karun ang affidavit sang mga tag-iya sang F and C kag Haolong jewelry stores.
Ginkumpirmar man ni Biñas nga kilala ang isa sa mga suspetsado sa serye sang pagpanghold-up.
Wala sang gintalana nga timeline ang BCPO director agud masulbar ang krimen apang ginapasiguro sini nga ginahimo nila ang tanan.
Dugang pa sini, nagakoordinar karun ang mga intel operatives sang Bacolod kag sa iban nga probinsya kag rehiyon tuhoy sa aktibidad sang grupo nga responsable sa krimen.
Samtang ginkumpirmar sang city director nga nagdeploy ini sang sang mga kapulisan nga magabantay sa mga bangko kag sa palibot sang ciudad sang Bacolod.
