Taiwan, gintay-og sang magnitude 5.7 nga linog

Gintay-og sang magnitude 5.7 nga linog ang northeastern county sang Yilan sa Taiwan suno sa central weather administration sang isla apang wala naman sa immediate reports sang kahalitan.

Ang linog ang nagtay-og sa buildings sa capital sini nga Taipei.// Ini ang may kadalumon nga 9 km.

Nagpadayon naman ang subway services sa Taipei apang medyo mahinay lamang ang pagpadalagan sang mga ini bangud sa linog.

Ang Taiwan ang nahamtang malapit sa junction sang duha ka tectonic plates kag prone sa mga pagtay-og.

Sang tinalikdan nga Abril, narekord sang Taiwan ang pinakadako sini nga pagtay-og sa sulod sang 25 ka tuig nga gintunaan sang kamatayon sang siyam ka mga persona kag pagkapilas sang masobra 900.