Tanan nga bangkay sang hostages nga yara sa Hamas, ginbalik na kabaylo sang pagpagwa sa pila ka Palestinian prisoners sa Israel

Nabalik na sang Hamas ang tanan nga bangkay sang mga hostages nga yara sa ila luyo.

Suno sa grupo, tanan nga posible nga makita nila ang yara na sa kustodiya sang Red Cross.

Igapaidalum naman sang Red Cross ang mga bangkay sa examination agud makilala ang mga ini.

Kadungan sini, ginhilway naman sang Israel ang mga Palestinians nga ila ginpriso.

Nagpanawagan naman ang Amerika sa Hamas nga magdisarm na bilang kabahin sang ceasefire deal.

Una na nga ginpahayag ni US President Donald Trump nga ginakay-o na nila ang ikaduha nga bahin sang ceasefire.