Dakop ang tatlo ka mga persona sa ginpatigayon nga drug buybust operation sang Philippine Drug Enforcement Agency (PDEA) sa Prk Masinadyahon, Brgy.12, Bacolod City kahapon sang hapon.
Sa interview sang Bombo Radyo Bacolod kay Agent Bamboo, Team Leader sang PDEA Region 6, nangin madinalag-on ang ginpatigayon nga drug buybust operation kun sa diin tatlo ka mga persona ang nadakpan matapos nga naaktuhan nga nagagamit sang illegal nga druga sa isa ka drug den.
Suno kay Agent Bamboo, nagdangat sa kapin 15 tubtob 20 grams sang supected shabu kag may standard drug price nga P34,000.
Ang mga nadakpan amo sanday alyas Gab, ang subject person kag reported nga nagapagamit sang illegal nga druga sa ila balay kasubong man nagabaligya.
Dakop man sanday Christia Orolan, residente sang Barangay 12 kag Mark Montoya residente sang Barangay 16.
Ang mga ini ang mangatubang sang kaso nga paglapas sang section 5,6,7 kag 11 sang RA 9165 ukon Comprehensive Dangerous Drugs Act of 2002.
