Tatlo ka persona, lakip ang duha ka pulis, patay sa pagpangbomba sa Moscow, Russia

Patay ang tatlo ka mga persona, lakip na ang duha ka kapulisan sa paglupok sang bomba sa Moscow, Russia.

Suno sa imbestigasyon sang Investigative Committee sang Russia, ginsaway sang duha ka traffic police officers ang isa ka suspetsado nga indibidwal nga yara malapit sa salakyan sang pulis.

Pagpalapit sang mga kapulisan sa lugar, gilayon nga naglupok ang bomba.

Napatay ang duha ka pulis bangud sa tuman nga naagom nga pilas , lakip man ang isa ka indibidwal nga nagatindog sa lugar.

Natabo ini nga insidente sang may napatay nga isa ka senior Russian general nga si Lt. Gen. Fanil Sarvarov sa nagluntad nga car bombing.// Padayon ang ginahimo nga imbestigasyon sang mga otoridad nahanungod sa natabo nga insidente.