Pilason ang tatlo tanan ka mga persona sa nagluntad pagbunggu-anay sa tunga sang tricycle kag ceres bus sa national highway sa Hda. Patlagan,Brgy. Purisima, sa banwa sang Manapla kahapon sang hapon.
Ang mga biktima ang ginkilala sanday Bobby Jamison,nga amo ag driver sang tricyscle, Marlin Jamison, kag Tessie Jamison nga isa ka pamilya kag pumuluyo sang MEV Subdivision, BRgy. Purisima sa nasambit nga banwa.
Samtang ang nagamaneho naman sang bus ang ginkilala kay Enrique Mirano Jr., 45 anyos kag pumuluyo sang Greensville Subd., Bacolod City.
Base sa impormasyon nga nakuha sang Bombo Radyo, lunsay nagikan sa Norte nga bahin kag padulong kuntani sa Sur ang direksyon sang tricycle kag ceres sang natabo ang nasambit nga insidente.
Nahibaluan nga nag U-turn ang tricycle apang hinali man nga nag-overtake ang ceres rason nga nagluntad ang insidente.
Gilayon naman nga gindala sa ospital ang mga biktima agud dapatan snag nagakaigo nga pagbulong samtang ang suspek naman ang blountaryo nga nagsungka kag yara karon nakahunong sa custodial facility sang Manapla PNP.
Nahibaluan nga usisa-on man sang mga kapulisan ang dashcam sang ceres para sa ila nga imbestigasyon.
