Nag-apelar ang Teachers’ Diginity Coalition kay President Ferdinand ‘Bongbong’ Marcos Jr. nga indi magpili sang isa ka political figure bilang masunod nga tiglikom sang Department of Education (DepEd) agud malikaw ang ahensya sang away pulitika ukon “political bickering.”
Suno kay TDC chairperson Benjo Basas, nagapanawagan sila sa Presidente nga siguruhon nga ang mangin masunod nga DepEd secretary ang indi isa ka politiko ukon aktibo nga imbolbado sa partisan politics agud masiguro nga indi maulamid ang DepEd sa political bickering sa pag-ilinaway sa politika.
Ini matapos nagresign bilang tiglikom sang DepEd si Vice President Sara Duterte sang tinalikdan nga semana apang wala ini naghatag sang rason magluwas lamang sa pahayag sini nga ang nagduso sa iya amu ang iya pag-ulikid sa mga manunudlo kag mga estudyante.
May yara sang kapin isa ka bulan si Marcos agud magpili sang magabulos kay Duterte, nga ang resignation ang magatake-effect sa Hulyo 19, 2024.
