Aminado si Mananquil nga indi madali ang paghimo sang desisyon angot diri apang sa karon, nagrant na ang ila nga prayers nga sayluhon si Gemora kag nagpangibabaw ang kamatuoran.
Suno kay Mananquil, naghugyaw gid sila sang nabatian ang pahayag ni Gico kagab-i sa Bombo Radyo.
30 ka mga manunudlo ang nagpirma sa petition letter apang aminado ini nga may dugang pa kuntani nga mapirma apang wala na nadugang sa lista.
Matapos nga nakareklamo sanday Mananquil diri sa Bombo Radyo, nagfile ang maestra sang duha ka bulan nga leave tubtub sa Disyembre 30 agud nga makalikaw sa dugang nga gamo bangud amo ini ang advice sang iya nga pamilya kag makalikaw man sa pagkadalahig sang iya nga pamilya. SAMTANG, kuntento ang isa sa mga manunudlo sang Rizal Elementary School nga nagreklamo batok sa principal nga si Mrs. Christina Gemora nga nagdesisyon ang DepEd Division of Bacolod City nga ireshuffle ang mga principal kalakip na si Gemora agud nga ini ang masaylo sa lain nga eskwelahan.
Sa interview kay Chonna Cabrera, ganado na ini magkadto sa eskwelahan, indi kaangay sadto nga mabug-at ang iya balatyagon.
Sa karon suno sa iya, nagabugtaw na ini nga ganado magtudlo sa mga estudyante kag malipayon na nga maka-interact sa ila.
Suno kay Cabrera, nalipay ini sa desisyon sang Division Office.
Aminado ini nga indi niya malipatan ang pagpakahuya sa iya ni Gemora apang maka-move on na ini kag maghimo sang iya nga best bilang isa ka manunudlo.
Nagalaom naman si Cabrera nga indi na niya maeksperyensyahan sa masunod nga principal ang traumatic nga ginhimo ni Gemora kundi makaangkon sila sang principal nga nagapati sa magtimbang nga bahin sa tion nga may problema sa baylo nga magsunod sa iya lamang nga luyag.
