The Voice US champion Sofronio Vasquez, ginalauman nga magbalik sa Pilipinas sa una nga semana sang Enero 2025

Natalana nga magbalik sa Pilipinas sa masunod nga tuig para sa iya homecoming ang “The Voice US” Season 26 champion nga si Sofronio Vasquez.

Sa tion nga madayon, ma-abot sa pungsod si Sofronio sa Enero 5, 2025.

Nagalaom naman ang singer nga mahatagan sia sang kahigayonan nga personal nga magpasalamat sa iya mga Filipino fans sa ila ginhatag nga pagpalangga kag pagsuporta.

Luyag man niya nga makigkita kay President Ferdinand “Bongbong” Marcos Jr. para sa isa ka courtesy call sa Malacañang.

Si Sofronio ang labing una nga Asian kag Pinoy nga nagdaog sa “The Voice US” kon sa diin ginpa-wow niya ang mga tumalan-aw sang iya performance sang “Unstoppable” ni Sia kag “A Million Dreams” gikan sa “The Greatest Showman.”