Ginkumpirmar sang tiya sang aktor nga si Anthony Michael Jennings nga ini ang gintawo kag nakapuyo sa Barangay Mambugsay, sa banwa sang Cauayan, Negros Occidental.
Madumduman nga ginafiestahan sa karun sa social media ang Negrense actor bangod sa issue angot sa aktres nga si Maris Racal.
Ini matapos ginpost ni Jam Villanueva, ex-girlfriend ni Anthony ang mga screenshot sang intimate conversations sang duha nga nagapamatuod nga siya ang gintonto.
Sa pihak sang mga kontrobersiya, natukiban sang Bombo News Team nga Negrense si Anthony gani ginpadulungan ang mga himata sini sa probinsya.
Sa interview sang Bombo Radyo Bacolod kay Gina Gamuyao, tiya ni Anthony, ang aktor ang subang sa tatlo ka mag-ulutod sa ulihi nga bana sang iya magulang nga si Arlene Gamuyao Jennings.
Ang amay naman sini ang isa ka British national nga napatay sa England tatlo ka tuig na ang nakaligad kag wala na liwat namana pa ang iya magulang.
Suno sa tiya, ang iya utod ang nagapuyo sa Manila apang sila ang nagpauli man sa Cauayan sang 2012 kun sa diin 12 anyos ang aktor kag sila ang nagtinir sang masobra isa ka tuig sa lugar.
Si Anthony ang malapit sa iya pakaisahan, lolo kag madamo man ini sang abyan sa Brgy Mambugsay.
Sila ang nagpuyo sa balay sang iya lolo nga si Armando Gamuyao, nga nagtaliwan nakaligad lamang nga tuig.
Wala man makapauli si Anthony sa pagkapatay sang iya lolo apang ini ang nagtawag kag nagpadala sang kwarta bangod masako ini sa pagka-artista.
Sumugod sang napatay ang iya amay, si Anthony na ang nagserbe nga amay sa ila pamilya kag siya man ang nagapa-eskwela sa iya mga utod.
Tubtob Grade 2 lamang ang natapos ni Anthony, apang ini ang gina-home school man sadto nga masami nagaka-untat.
Suno sa tiya, wala na sila makasugilanon sang iya magulang tubtob naglupok ang isyu.
Nagahingyo man sila nga untaton na ang pagbash, kag apisar sa kontrobersiya, ginpasalig sini nga siya ang padayun nga magasuporta sa aktor bilang tiya.
