May mga kahigayunan sa atun nga kabuhi nga indi gid natun mabaton ang negatibo nga bagay kaangay lamang sang natabo sa kalan-an sa Japan, kun sa diin nagbilin ang duha ka customer sang isa gid lamang ka star sa rating sa isa ka kilala nga ramen shop.
Nagpangakig kag nagrant sa social media ang tag-iya sang TOYOJIRO, isa ka kilala nga top-rated ramen shop ang sa Kyoto bangud sa 1 star review.
Bangud naumol-umol ang tag-iya, gin-post niya pati ang picture sang mga customer.
Ginhangkat pa niya ini nga magbalik, magkaon liwat, kag magsulat man sang maayo nga review kag ibutang ang ila laragway.
Nag-post man ini nga magahatag siya sang padya nga 100,000 yen (P38,700) sa kay bisan sin-o nga makahatag sang impormasyon kaangot sa duha ka mga customer.
Bangud sa ginhimo sang tag-iya, naglapta ang gintanyag sini nga reward, apang sa baylo nga magpabor sa iya ang sitwasyon, ginsaway siya sang mga tawo kag ginsugo nga mag-sorry.
Apang sa ulihi nakabugtaw ang tag-iya sa kamatuoran nga indi na insakto kag sobra sobra na ang iya ginhimo.
