BACOLOD CITY — Natalana na nga ipanagtag ang training allowances sang mga makigbahin sa Western Visayas Regional Athletics Association (WVRAA) Meet 2018 nga hiwaton sa ciudad sang Iloilo humalin Pebrero 18 tubtob 23.
Sa memorandum nga ginpaguwa ni Gladys AmyLaine Sales, officer-in-charge sang Department of Education Division of Negros Occidental, ginapahibalo sini ang natalana nga paghatag sang probinsiya sang Negros Occidental sang allowances sa mga atleta, coaches, assistant coaches kag mga chaperons.
Ini ang igapanagtag sa Pebrero 8, ala-1:00 sang hapon sa Negros Occidental Multi-Purpose Activity Center (NOMPAC).
Ginapahibalo sini ang mga Schools Division Superintendents sang Kabankalan City Division, La Carlota City Division, Bago City Division, Bacolod City Division, Silay City Division, Cadiz City Division, Sagay City, Escalante City Division, San Carlos City Division, Negros Occidental Division Public Schools District Supervisors kag Public and Private Elementary and Secondary School Heads.
Personal ang paghatag sang allowances gani dapat nga may school ID ukon identification cards ang maga-claim.