Nagapati ang presidente sang presidente sang Bacolod Alliance of Commuters, Operators, and Drivers (BACOD-Manibela) nga magabulig sa ila si Bacolod City Mayor Greg Gasataya.
Sa interview sang Bombo Radyo Bacolod kay Rudy Catedral, president, BACOD-Manibela, nagmeeting sila angot sa ayuda nga mabaton sang mga operators kag jeepney drivers.
Suno kay Catedral, may kabudlayan sila bangud ang ayuda nga P5,000 sa idalom sang Land Transportation Franchising and Regulatory Board (LTFRB) ang madamo sang mga rekisitos kaangay sang renewed franchise kag dapat maghatag sang GCASH account number.
Suno diri, dapat tanan ang mga drivers kag operators, naconsolidate man ukon wala ang makabaton sang ayuda bangud tanan man sila naapektuhan sang fuel prices kag nagaserbisyo sa publiko.
Wala naman ini nagalaom pa nga may mahimo pa si Councilor Dindo Ramos ang chairman sang Committee on Transportation and Traffic.
Sa karun magarequest sila sang dayalogo kaupod kay Bacolod City Mayor Greg Gasataya agud nga estoryahan ang sarang nga mahatag nga bulig sang ciudad sa ila nga naapektuhan sang asod asod nga pagsaka sang presyo sang produktong petrolyo.
Nagpasalig man si Catedral sa iya mga miyembro nga tinguhaan sini nga makakuha sila sang ayuda.
