Panawagan sang Grupo sang BACOD Manibela sa mga drivers nga magkooperar para sa pag-imeplementar sang Oplan Harabas sa ciudad sang Bacolod.
Sa interview sang Bombo Radyo kay BACOD Manibela President Rudy Catedral, willing ang ila nga grupo nga istoryahan kaupod ang pila ka mga operatiba tuhoy sa nangin palpak nga modernization program.
Suno kay Catedral, naka-istoryahanay na sila kahapon ni Land Transportation Office – Negros Island Region Director Jeck Conlu kag suno diri nagatinguha ang LTO NIR nga masolusyunan ang nasambit nga isyu.
Dugang pa, isa ka jeepney driver sang Shopping-Libertad ang nagpositibo kahapon sa ginpatigayon nga random drug test sa Bacolod South Terminal.
Mensahe sini sa mga nagkalain-lain nga mga driver sa ciudad nga indi na mag-engage sa illegal nga druga kundi magtutok nalang sa pagpangita sang kwarta agud nga makabulig sa pamilya.
