Patay ang isa ka tricycle driver matapos nag-awas sa gutter ang iya ginamaneho nga tricycle Granada-Alangilan Street, Barangay Granada, Bacolod City sang Martes sang gab-i.
Sa interview sang Bombo Radyo kay Police Lt. Melchor Tolentino, hepe sang Bacolod Police Station 5, nagluntad ang aksidente takna alas 11:20 sang gab-i kun sa diin nagamaneho sang iya nga tricycle si Jose Ronnie Ruel Jr., 34 anyos kag residente sang Barangay Concepcion, Talisay City.
Suno kay Tolentino, samtang nagabyahe si Ruel, nasangit ang iya tricycle sa gutter kag nagtabog ini.
Nakaangkon siya sang patal nga pilas sa ulo nga gintunaan sang iya kamatayon.
Ginhingagaw pa ini dala sa balaybululngan apang wala na natabangan.
Suno sa hepe, santo sa pahayag sang mga kaupdanan sang biktima, nagikan ini sa balay sang iya magulang kag ginaalegar nga nakainom sang makahulubog nga ilimnon.
