Patay walo ka empleyado sang Local Government Unit sang Bayawan City, Negros Oriental kag isa ka On-the-Job Training (OJT) student matapos mahulog sa pil-as ang dump truck nga ila ginasakyan kaina alas-11:10 sang aga.
Sa interview sang Bombo Radyo kay Police Captain Stephen Polinar, Spokesperson sang Negros Oriental Police Provincial Office (NOrPPO), ang driver ang ginkilala nga si Egmedio Arnaiz samtang ang mga sakay naman amo sanday Diomedes Canoy, Kervin Andog, Larry Llamos, Ronel Cabasag, Jonathan Hamor, Jovanie Babor, Jonaryl Caguisa, lunsay mga empleyado sang City Agriculture Office- Engineering Division. kag ang isa ka OJT student nga si Warren Aseñasa.
Suno diri, may karga nga lima ka container sang crude oil ang dump truck kag paglab-ot sa Sitio Mansintak, Brgy. Kalamtukan, nahulog ini sa pil-as.
Ang mga biktima nakaagom sang multiple physical injuries nga gilayon gindala sa Kalumboyan Hospital apang gindeklarar nga dead on arrival.
 student patay matapos mahulog sa pil-as ang dump truck nga ila ginasakyan){kind=link}