Patigayunon subong nga adlaw ang turnover ceremony sang Asenso Yuhum Housing Units sa Arao, Brgy. Vista Alegrem, Bacolod City.
Sa interview sang Bombo Radyo Bacolod kay Councilor Vladimir Gonzalez, Chairman, Committee on Urban Poor, Housing, and Resettlement sa Sangguniang Panlungsod, ang turnover ang patigayunon alas-10:00 subong nga aga.
Suno diri, sa 21 ka building nga plano, apat pa lang ang natapos na, kun sa diin tatlo ka building ang natapos na samtang ang isa ang padayon pa nga ginaconstruct.
Suno kay Gonzales, iturnover ang 64 ka units sa 64 man ka beneficiaries nga ginverify sang LGU kag PAG-IBIG.
Ang unit ang may 24 square meter nga kalaparon kag ang balayran ang nagabalor sang ₱2,194.84 kada bulan nga mahimo maimpas sang mga benepisyaryo tubtob sa 30 ka tuig.
Samtang, ginatinguhaan pa nga mapangitaan sang paagi nga mabutangan sang terminal sang jeep malapit sa Yuhum Housing Units agud indi mabudlayan ang mga pumuluyo magbyahe padulong sa sentro sang ciudad.
Ang Yuhum Housing Program ang pinaka-una nga housing unit nga ginlunsyar sa bug-os nga Pilipinas sa idalum sang Pambansang Pabahay para sa Pilipino Housing (4PH) Program sang administrasyon ni President Ferdinand ‘Bongbong’ Marcos Jr.
