Nagpadugang pa gid sa palamangkotanon kun matuod ang madugay na nga rumors nga may bata na sanday Coco Martin kag Julia Montes kasunod sa nangin pahayag sang Television host nga si Willie Revillame.
Sa welcome party ni Revillame para sa debut sang iya bag-o nga show, madamo sang mga celebrities ang nagpadala sang congratulatory messages.
Kalakip diri amo sanday Coco, Richard Gomez, John Estrada, kag Aga Muhlach.
Matapos ang message ni Coco, gin-joke ni Revillame ang pagkumparar sini sang bangs sang aktor , sa buhok sang karakter sini sa “Batang Quiapo”.
Nagpasalamat si Revillame kay Coco, kay Julia kag sa mga bata nila nga sadtong Holy Week sang sila ang naka-upod niya.
Dugang pa sini, iya ginalauman nga mangin guest ini sa ‘Batang Quiapo,’ kag hatagan sini sang jacket si Coco.
Sa karun, wala pa sang statement ang couple sa gina-alegar nga revelation ni Revillame, apang mahibaluan nga madugay na nga may nagalapta nga rumors nga sila ang may pamilya na nga ila.
Ginkumpirmar nanday Coco kag Julia sang nakaligad nga tuig nga sila ang naga-date, apang tuig 2012 pa lamang sa pelikula nga “Walang Hanggan”, magkarelasyon na ang duha.
Sa amo nga tuig, si Coco ang naga-edad sadto sang 30 anyos samtang si Julia naman ang naga-edad sang 17 anyos.
