Padayun nga nagahatag risgo ang Typhoon “MARCE” sa northern mainland sang Cagayan-Babuyan Islands.
Ang sentro sang mata sang bagyo ang ulihi nga nasiplatan sa 200 km East sang Aparri, Cagayan.
Ini ang nagadala sang hangin nga may kabaskugon nga nagadangat sa 155 km/h kag pagmadlos nga tubtob 190 km/h samtang nagahulag sa West Northwestward nga dereksyon sa kadasigon nga 15 km/h.
Sa karun napaidalom na sa Tropical Cyclone Wind Signal no. 4 ang naaminhan nga bahin sang mainland Cagayan kalakip ang Babuyan Islands kasubong man ang northeastern portion sang Apayao.
Signal No. 3 naman sa southern portion sang Batanes, nabilin nga bahin sang Cagayan, nabilin nga bahin sang Apayao, Ilocos Norte, kag northern portion sang Abra.
Signal No. 2 sa nabilin nga bahin sang Batanes, northern kag central portions sang Isabela, nabilin nga bahin sang Abra, Kalinga, Mountain Province, northern portion sang Ifugao, northern portion sang Benguet, Ilocos Sur, kag northern portion sang La Union.
Samtang Signal No. 1 naman sa nabilin nga bahin sang La Union, Pangasinan, nabilin nga bahin sang Ifugao, nabilin nga bahin sang Benguet, nabilin nga bahin sang Isabela, Quirino, Nueva Vizcaya, northern kag central portions sang Aurora, northern portion sang Nueva Ecija, kag northern portion sang Zambales.
Ang Bagyo Marce ang ginalauman nga magapadayun sa west northwestward nga dereksyon sa masunod nga 12 oras sa kadagatan sa nasidlangan sang Cagayan antes magliko sa nakatungdan nga dereksyon karun sa hapon tubtob na sa Sabado.
Ginalantaw nga magalandfall ang Bagyo Marce kag magatabok sa Babuyan Islands ukon sa northern portions sang mainland Cagayan, Ilocos Norte, kag Apayao karun sa hapon tubtob bwas sa kaagahon.
Ang Bagyo Marce ang maggwa sa Philippine Area of Responsibility bwas sa gab-i.
