Ukraine, gina-akusaran ang Russia sa paghimo sang paagi agud indi madayun ang pag-atubangay sang duha ka Presidente para sa pagtapos sang gyera

Gin-akusahan ni Ukrainian President Volodymyr Zelensky ang Russia nga nagahimo sang paagi agud indi sila mag-atubangay ni President Vladimir Putin.

Suno sa Ukrainian President, ginasuli sang pila ka opisyal sang Russia ang sitwasyon apisar nga sila ang indi luyag magtapos sang gyera.

Una na nga gin-ako ni US President Donald Trump nga mabudlay na nga paatubangon ang leader sang Russia kag Ukraine.

Madumduman nga sang tinalikdan nga semana, nagkitaay sa Alaska sanday Trump kag Russian President Vladimir Putin.

Pagkatapos naman sang pila ka adlaw, ginbisita ni Zelensky kaupod ang pila ka leader sang Europa si Trump agud iduso ang ceasefire kag agud matapos na ang gyera.