Ginhambalan ni United Nations Secretary – General Antonio Guterres si President Donald Trump nga likawan ang ethnic cleansing sa Gaza matapos nagpropose ang US leader nga magresettle sa iban nga lugar ang mga Palestinians kag ang United States amu ang magatake over sa enclave.
Suno kay Guterres, sa pagpangita sang mga solusyon, dapat nga indi maglala ang problema.
Suno sa iya, importante nga mangin matuod-tuod sa bedrock sang international law kag dapat likawan ang maskin ano nga sahi sang ethnic cleansing.
Suno sa iya, dapat i-reaffirm ang two-state solution.
Panindugan naman ni Palestinian U.N. envoy Riyad Mansour, nga gin-appoint sang Palestinian Authority, wala na sila sang pungsod magluwas lamang sa Palestine kag ang Gaza ang isa ka importante nga kabahin sini gani indi sila magbiya sa Gaza.
Dugang pa sini nga wala sang gahom sa kalibutan nga makahukas sang mga Palestinians sa ila ancestral homeland lakip na ang Gaza.
