Isa naman ka babayi ang napamatud-an nga kun ano ang masarangan sang lalaki masarangan man sang babayi.
Ini matapos nga gin-promote ni President Ferdinand “Bongbong” Marcos Jr. sa rangko nga commodore ang first ever nga babayi nga piloto sang Philippine Coast Guard (PCG).
Ang promotion ni Commodore Christine Pauline Bergaño-Diciano ang gin-aprubahan sang Miyerkules matapos rekomendasyon ni Transportation Secretary Vince Dizon.
Si Diciano ang pinakauna nga babayi nga piloto sang Philippine Coast Guard sang 2005 kag naghimo sang iya pinakauna nga flight pagkasunod nga tuig.
Suno sa PCG, ginpamunuan sini ang pila ka aerial missions sa pagsaylo sang medical supplies sa mga malagyo nga komunidad sa tunga sang COVID-19 pandemic.
Sang 2010, siya ang nangin pinakauna kag naga-isahanon nga babayi nga PCG Air Station commander sa idalom sang West Philippine Sea Oplan Matatag.
Si Diciano man ang pinakauna nga Asian vice president sang Women’s Association sang World Maritime University sa Malmö, Sweden sang 2014.
Gin-appoint siya bilang Coast Guard Aviation Force commander sang 2022.
Sa amo nga tion, sia ang nag-advocate para sa babaye nga rescue swimmers kag drivers.
Sa pareho man nga tuig, siya ang nga nagpamuno sang Gender and Development unit sang PCG, ang nagduso agud ilakip ang “hijab” sa uniform sang babayi nga Muslim Coast Guard personnel.
