Magasugod na sa pagpanakop ang Land Transportation Franchising and Regulatory Board (LTFRB) sa mga unconsolidated traditional jeepneys sa masunod nga semana.
Sa idalum sang Public Utility Vehicle Modernization Program, ang mga unconsolidated jeepneys ang ginakonsiderar na nga colorum vehicles bangud wala na ang mga ini sang provisional authority agud makabyahe matapos naglapse ang Abril 30 nga consolidation deadlne.
Ang pagsugod sang pagpanakop ang kadungan sang tatlo ka adlaw nga strike sang transport group nga Manibela batok sa PUV modernization program sang gobyerno humalin Hunyo 10 tubtob Hunyo 12.
Suno kay LTFRB chairperson Teofilo Guadiz, ang mga may plano nga magpatigayon sang protesta sa kalye ang dapat nga siguruhon nga sila ang may yara sang prangkisa.
Sa data sang ahensya, 61 porsyento na ukon 30,561 sa 49,593 ka mga jeepney units sa Metro Manila ang consolidated.
Apang sa bilog nga pungsod, 81 porsyento sang mga jeepney units ang nakigbahin na sa PUVMP.
Samtang, ginpahayag sang Department of Transportation nga ang mga proposals nagikan sa mga mamalidha nga hatagan sang dugang nga isa ka tuig ang mga unconsolidated jeepneys nga makacomply sa requirements sang gobyerno ang imposible nga matabo.
