Nangin generally peaceful ang pag-obserbar sang All Saints’ Day ukon Undas subong nga tuig suno sa Philippine National Police.
Suno kay PNP spokesperson Police Brigadier General Jean Fajardo, sa kabug-usan nga peace and order assessment, wala sang significant nga untoward incidents nga narekord sang long weekend.
Suno diri, malipayon sini nga ginareport nga nangin malinong kag maayo sa bilog nga pungsod ang nangin pagsaulog sang Undas subong nga tuig bangud wala sang may narekord nga major incident nga sarang nga makadisrupt sa pagsaulog sang Undas.
Aminado ini nga may sunog nga nagluntad sa Bagbag Cemetery sa Novaliches, Quezon City kag may yara sang pila ka mga minor incidents apang sa kabug-usan, wala man ini nakaapekto sa sitwasyon sang bilog nga pungsod.
Suno kay Fajardo, padayon nga igadeploy ang mga police sa bus terminals, airports, piers kag transport terminals samtang nagabalik ang mga commuters nagikan sa ila mga probinsya.
