Aminado ang secretary general sang United Negros Drivers and Operators Center (UNDOC) nga magasunod sila gihapon sa mando sang gobyerno angot sa jeepney modernization.
Sa interview sang Bombo Radyo Bacolod kay Diego Malacad, wala sila nagapamatok sa modernization bangud aminado man sila nga ang pila sa traditional jeepneys ang kinahanglan na nga imodernize ukon islan.
Suno kay Malacad, magasunod sila sa modernization apang nagapanawagan ang mga ini nga mahatagan sila sang franchise bangud mabudlay man para sa ila nga magasto sila sang P100 mil tubtob P200 mil agud nga maislan ang ila nga makina sa euro 4 kag sundon ang specification sang Department of Trade and Industry (DTI) kun indi man sila mahatagan sang Land Transportation Franchising and Regulatory Board (LTFRB) sang prangkisa.
Ginpahayag man sini nga nagpasalig man ang alkalde sa syudad sang Bacolod nga tatapon anay ang mga nagabiyahe sang traditional nga jeep.
Nagapanawagan man sila nga amat-amaton anay ang transition sa modernized jeepney kag indi lamang sila paggulpi dulaon.
Isa man sa ginapanawagan sini nga dapat may yara sang pilian nga sakyan ang mga pumuluyo.
