Gin-anunsyo sang U.S. Central Command (CENTCOM) sang Sabado nga nagpatigayon sila sang 10 ka serye sang pagpang-atake batok sa masobra 30 target sang grupong Islamic State (ISIS) sa Syria.
Sa report sang militar, ginpatigayon ang amo nga operasyon humalin sang Pebrero 3 tubtob Pebrero 12.
Suno sa CENTCOM, partikular nga gin-igo sang Estados Unidos ang mga imprastraktura kag tambakan sang armas sang ISIS agud pahinayon ang kapasidad sang nasambit nga terorista nga grupo.
Ang katuyoan sang mga sunod-sunod nga pag-atake amo ang pagpanubo sang seguridad sa rehiyon kag pagpugong sa posible nga pagbalik sa kabaskogon sang pwersa sang Islamic State.
Ginbomba sang mga pwersa Amerikano ang mga kritikal nga imprastraktura sang ISIS, lakip na ang mga kampo, command centers, kag mga pasilidad nga gintambakan sang mga mabaskog nga mga klase sang armas.
Samtang, wala naman sang nareport nga napatay ukon nasamaran matapos ang napulo ka adlaw nga operasyon.
