Ginkumpirmar sang White House nga napatay ang isa ka Filipino seafarer sa pag-atake sang Houthi rebels sa bulk cargo carrier nga MV Tutor samtang nagalayag sa Red Sea sadtong Hunyo 12.
Ginpahayag ni US National Security Council spokesman John Kirby nga ang napatay nga Pilipino nga tripulante ang sakay sa M/V Tutor, isa ka Liberian-flgged, Greek-owned ship nga wala man sang kahilabtanan sa natabo nga giyera sa Gaza.
Ginpahayag pa sang US official nga kritikal man nga nasamaran ang isa ka Sri Lankan crew member sa magkatuhay nga pag-atake sang Houthis sadtong adlaw sang Hwebes sa M/V Verbena nga isa ka Palauan-flagged, Ukrainian-owned kag Polish-operated ship.
Kaangot sini, ginkondenar sang US ang nasambit nga mga pag-atake bilang terorismo.
Samtang, wala pa naman sang kumpirmarsyon nagikan sa bahin sang Pilipinas kaangot sa
pagkapatay sang isa ka Filipino seafarer nga nauna na nga nareport nga nadula matapos pag-atake sang Houthi rebels kag ginapatihan nga na-trap sa may engine room sang barko sang natabo ang insidente.
Una, diri, yara sa 22 ka Filipino seafarers ang sakay sa gin-atake nga cargo ship kun sa diin 21 diri ang safe kag nakapauli na sa Pilipinas sang Lunes.
