Wala sang plano nga negosasyon sa tunga sang Estados Unidos kag Iran, ini ang pahayag ni U.S. President Donald Trump kahapon.
Apang, ginpanindugan sang presidente nga nagapabilin nga bukas kag nagapadayon ang operasyon sa Strait of Hormuz apisar may mga pagpang-atake nga nagakatabo kag limitado lang ang mga barko nga makaagi sa ruta.
Santo sa iya nga social media post, nagapabilin ang naval blockade sang Estados Unidos kag nagpasalig nga nakakas na tanan nga water mines.
Ini kasunod sang pag-expire sang 60-day negotiating period sa tunga sang duha ka pungsod nga wala sang maathag nga kasugtanan ukon senyales sang pagtapos sang gyera.
Samtang, isa ka projectile ang nag-igo sa isa ka barko sa Strait of Hormuz kahapon santo sa UK Maritime Trade Operations center sang British military, apang wala sang may nag-ako sang responsibilidad sa pag-atake.
Nagpanindugan naman ang Iran nga indi pagbuksan ang alagyan samtang wala ginatuman sang Estados Unidos ang ila nga kondisyon.
