Ginpahayag ni President Donald Trump nga ang federal diversity efforts ang may kasal-anan kun ngaa nagcrash ang isa ka regional jet sa isa ka U.S. Army helicopter sa isa ka Washington airport nga gintunaan sang kamatayon sang 67 ka mga persona sa pinakamakamamatay nga U.S. air disaster sa masobra 20 ka tuig.
Ang imbestigasyon sa crash sang capital sang Amerika ang nagsugod na apang indi pa maathag kun nga ang American Airlines Bombardier nga may unod nga 60 ka mga pasahero kag apat ka mga crew members ang nagcollide sa Army Black Hawk helicopter samtang nagapreparar ini nga magland sa Ronald Reagan Washington National Airport.
Suno kay U.S. Transportation Secretary Sean Duffy, ang duha ka mga aircraft ang nagabyahe sa standard flight patterns kag wala sang breakdown sa communication.
Sa isa ka White House news conference, gincriticize ni Trump ang mga piloto sang helicopter kag ginpahayag nga wala ini nakahibalo kun ang air traffic controllers ang imbolbado kag dapat basulon.
