Wala ginadula ni US President Donald Trump ang pagpadala sang ila mga tropa nga suldado sa Ukraine agud mapatuman ang anuman nga peace deal sa tunga sang Russia kag Ukraine.
Suno sa US President, pagatalakayon sini ang nasambit nga issue kaupod ang European leaders lakip na si United Kingdom Prime Minister Keir Starmer.
Suno diri, lunsay makigbahin ang Europa kag Amerika sa pagsecure para sa post-war peace sa Ukraine.
Sa pagbahatag sang security guarantees para sa Kyiv, ginpahayag ni Trump nga madamo nga bulig ang igahatag pag-abot sa seguridad sa anuman nga post-war settlement apang ginpahayag sini nga ang Europa ang first line of defense, kaupod ang bulig nagikan sa Amerika.
Samtang, pagkatapos sang meeting sa tunga nanday Trump kag Zelensky kaupod ang EU leaders, sunod nga pagaplanuhan naman ni Trump ang peace summit sa tunga nanday Zelensky kag Russian President Vladimir Putin, nga pagasundan sang trilateral meeting kaupod ang Amerika.
