Magapagwa sang series sang executive orders si US President Donald Trump nga nagatarget sang diversity programs kag gender identity policies.
Ini ang iya ginpahayag sa iya inauguration speech agud magsignal sang isa ka definitive break sa ginatawag sini nga “woke” culture.
Sang nagapangampanya pa lamang ini, nagpabutyag na si Trump sang pagpamatok sa diversity, equity kag inclusion policies sa federal government kag corporate world kag ginpahayag nga sila ang nagadiscriminate batok sa white people, partikular na sa mga kalalakihan.
Sa iya inauguration speech sa US Capitol, ginpahayag ni Trump nga mangin opisyal nga polisa sang gobyerno sang Estados Unidos nga may yara lamang sang duha ka genders kag ini ang lalaki kag babayi.
Suno diri, iya man pagatapuson ang polisa sang gobyerno nga nagatuyo nga magsocially engineer sang race kag gender sa kada aspeto sang public kag private life.
Gintawag sini ang bag-o nga mga tikang bilang isa ka “revolution of common sense.”
Ang nasambit nga mga polisa ang ginalantaw naman nga magaatubang sang legal challenges.
