Nagpaandam si US President Donald Trump nga dapat isurrender sang Hamas ang ila mga armas ukon ang militar mismo ang magadisarm sa ila.
Ang ini nga komento ang matapos ang madamo nga mga pamangkot natuhoy sa kun ano ang mangin plano matapos marelease ang nabilin nga 20 ka mga buhi nga hostages kag masobra 1,700 Palestinian detainees kag 250 prisoners.
Suno sa Israeli military, padulong na ang Red Cross sa isa ka meeting point sa southern Gaza kun sa diin pila ka mga lungon sang mga nagkalamatay nga mag hostages ang ipasa sa ila kustodiya.
Suno sa mga humanitarian organizations, ila ginalantaw nga mapasanyog pa ang aid supplies sa Gaza apang ginpahibalo sang Israeli authorities ang United Nations nga pagabuhinan ukon madelay ang balor sang trucks nga ginalauman nga makasulod bangud sa limitado nga numero sang bangkay sang mga hostages nga ginrelease sang Hamas.
