Nagpamahog si US President Donald Trump nga magapatigayon sang massive bombing sa South Pars gas field sa Iran kun liwat nga atakehon sang Iran ang energy facilities sang Qatar.
Ang South Pars/North Dome field ginakabig nga pinakadako nga gas field sa kalibutan.
Ginpahayag ni Trump sa iya social media account nga kun atakehon liwat sang Iran ang natural gas facilities sang Qatar, magabalos ang US pinaagi sa pagguba sang bug-os nga South Pars Gas Field.
Ini ang kasunod sang mga report nga may yara sang “significant damage” sa mga pasilidad sang Liquified Natural Gas (LNG) sang Qatar bangud sa mga pag-atake sang Iran.
Nagpasalig si Trump nga wala na sang Israeli nga pag-atake sa Iran, apang nagpaandam nga magabalos ang Estados Unidos kun liwat nga atakehon ang Qatar.
