Nalab-ot na sang mga negotiators ang isa ka phased deal agud matapos na ang gyera sa Gaza sa tunga sang Israel kag Hamas matapos ang 15 ka bulan nga konflikto nga nagpatay linibo ka mga Palestinians kag nagtuga sang tensyon sa Middle East.
Ang accord, nga wala pa pormal nga naanunsyar, ang naga-outline sang isa ka six-week initial ceasefire phase kag ginalakipan sang gradual withdrawal sang Israeli forces nagikan sa Gaza Strip kag release sang hostages nga yara sa luyo sang Hamas sa baylo ang mga Palestinian prisoners nga ginauyatan sang Israel.
Ang phase one ang nagasugod paagi sa pagrelease sang 33 ka mga Israeli hostages nga ginalakipan sang tanan nga mga babaye, kabataan kag lalaki nga masobra 50.
Ang mga negosasyon sa pag-implementar sang second phase ang magasugod sa ika-16 nga adlaw sang phase one kag ginalauman nga lakipan sang paghilway sang tanan nga nabilin nga mga hostages, isa ka permanent ceasefire kag complete withdrawal sang Israeli forces nagikan sa Gaza.
Ginapakamaayo naman ni US President Joe Biden ang nasambitan nga development.
