Nagbalik na si US President Joe Biden sa pagpang-atake sa bahin sang politika batok kay Donald Trump, labing una nga kahigayunan humalin sang assassination attempt sa iya nga rival.
Liwat nga nagpanawagan si Biden sa mga Amerikano nga pahagan-haganon ang naga-init nga pulitika kag nagduso sang pagban sang sahi sang armas luthang nga gingamit sa pagtiro kay Trump.
Apang kadungan sang pagbalik sini sa pagpangampanya paagi sa isa ka speech para sa Black voters sa NAACP advocacy group sa Las Vegas, wala nagpugong si Biden sa pagbatikos kay Trump, nga napilasan sa natuo nga dulunggan.
Suno kay Biden, ang presidency ni Trump ang makabig nga impyerno para sa mga Black Americans.
Apang ginbuksan naman sini ang iya speech sa pahayag nga nagapasalamat ini nga safe si Trump apisar sang pagpangluthang.
