Sa una nga kahigayunan, ginkilala sang United States Supreme Court nga may immunity ang mga former president nagikan sa prosecution sang mga actions nga ila gin-ubra sang yara pa ini sa pwesto.
Sa ruling sang korte kaina sang kaagahon, July 2, anom ka hukom ang nagboto pabor samtang tatlo naman ang nagpamatok.
Santo diri, nagaenjoy ang former president sang immunity sa actions nga ginhimo sa ila nga constitutional authority, apang wala sila sang immunity sa mga actions nga ginhimo sa private capacity.
Ang ruling ang nagamarka sang una nga kahigayunan sa nasyon nga natukod sang 18th century nga gindeklarar sang Korte Suprema nga ang former presidents ang may shield sa criminal charges sa pila ka instance.
Ang desisyon sang Korte Suprema ang makapabakod sang depensa ni Trump sa federal charges nga iya ginaatubang may kaangtanan sa iya efforts nga baliskaron ang resulta sang 2020 elections kun sa diin napierde ini kay President Joe Biden.
Makaapekto man ini sa pareho nga state-level election interference charges sa Georgia.
Sa social media post ni Trump, iya ginpahayag nga “BIG WIN FOR OUR CONSTITUTION AND DEMOCRACY. PROUD TO BE AN AMERICAN,”.
Samtang gilayon man nga nagpagwa sang reaction si US President Joe Biden sa nasambitan nga ruling.
Sa iya nga address sa White House, ginpahayag ni Biden nga delikado ang desisyon sang Supreme Court.
Suno diri, ang desisyon ang halos nagakahulugan na nga wala na ang limitasyon ang sarang mahimo sang isa ka presidente.
Panindugan sini nga delikado ang panibag-o nga principle bangod ang gahom sang opisina sang Presidente ang indi na mapunggan sang layi, bisan pa sang US Supreme Court.
