Wala pa sang may nabaton nga guidelines ang Vallacar Transit Inc. angot sa gin-anunsyar ni President Ferdinand Marcos Jr nga P10,000 subsidy sa kada unit sang bus.
Sa interview sang Bombo Radyo kay Jade Marquez, media relations officer sang Vallacar Transit Inc, ila pasalamatan kun may yara gid man sang subsidy nga ihatag apang ang ila ginapangayo sa karun amo ang saka sa plete.
Suno diri, apat ka tuig na ang naglabay apang wala pa gid sang saka sa plete sa bus.
Suno kay Marquez, makabulig sa ila operation ang P10,000 apang kulang ini sa gihapon bangod dako ang ila expenses kag madamo sang tawo nga ginasweldohan ang kompanya ilabi pa gid subong nga malapit na lang magsira ang klase kag nagpatigayon pa sang 4 days work week amo nga indi na gid man madamo ang pasahero.
