-- ADVERTISEMENT --
Natapos na ang Olympic journey ni Vanessa Sarno matapos mapaslawan nga mahakwat ang 100kg sa iya ikatatlo nga attempt sa Snatch event sa women’s 71kg weightlifting subong nga kaagahon sa 2024 Paris Olympics.
Sa una sini nga attempt, wala ini nangin madinalag-on nga mahakwat ang 100kgs.
Ginpilit man sini nga hakwaton ang nasambit nga barbel tubtob sa ikatatlo nga attempt apang wala niya ini masarangan gani siya ang gindeklarar nga Did Not Finish (DNF).
Bangud diri, natapos na ang labing una nga pagpakigbahin sang 20-anyos nga atleta sa Olympics kag wala na nakaproceed sa clean and jerk round.
