Ang China ang kilala sa pila ka mga weird nila nga traditional foods, apang ang man-og kag bilog nga scorpion nga ginaserbe sa Guandong province ang ginakabig nga isa sa pinakamalala kag makahaladlukan nga pagkaon sa Asian country.
Nahibaluan nga ang mga arachnids kag insekto ang kabahin na sang Chinese cuisine antes paman ginkilala sang West ang ila nga nutritional value, apang sa China bisan ang scorpion soup ang indi pa makabig nga mainstream.
Sa northern China, tuman ka popular nga street food ang deep-fried scorpions nga daw kaangay sang inihaw nga karne, samtang sa south ang arachnids ang mas ginapakamaayo bilang main ingredient sa soup nga gina-undan man sang karne sang man-og kag baboy kadungan sa mixture sang mga spices.
Apisar sa poison sang scorpion, ang pagkaon ang ginakonsiderar pa nga detox dish.
Apisar nga ang scorpion soup ang ginakonsiderar nga kabahin na sang Guandong cuisine kag general culture sang mga ini, apang ang pagkaon ang indi naman makita sa mga menu sa kada restaurant sa probinsya.
Kabaylo sini, ang pagkaon ang kinahanglan nga ipreparar sang eksperyensyado nga cook nga nakahibalo kun paano ma-extract ang toxin gikan sa scorpion antes ini lutuon agud nga malikawan ang food poisoning.
Kasunod sini ang scorpion ang kinahanglan nga laga-on sang kapin tatlo ka oras, kaupod sa man-og kag baboy kadungan sang ahos, luy-a, spices kag pila ka mga utan agud nga mapagwa ang juices nga gina-alegar nagahatag sa soup sang detox properties.
Samtang isa man sa ginapasalig nga ang pagkaon ang isa sa pinakamakagalana nga soup nga mahimo matilawan.
Ang man-og nga ginagamit ang masami isa ka sahi sang water snake kag ang karne sang baboy ang dapat nga mapahumok kag maayo ang sabor samtang ang scorpion ang indi naman kinahanglan nga kaunon bangod ang medicinal qualities sini ang yara na sa soup.
Apang suno sa tag-iya sang eatery nga kalabanan sa mga customers ang ginakaon man gihapon ang scorpion.
Ginapasalig naman nga ang pagkaon sang scorpion ang indi dapat kahangaw-an, apang wala ini gina-abiso nga kaunon bangod ang matig-a sini nga exoskeleton ang may kaundan nga may kwestyonable nga sabor.
Santo sa Chinese traditional medicine, ang man-og kag bilog nga scorpion soup ang makabulig sa pagbulong sa mga kondisyon kaangay sang rheumatism, high blood pressure, convulsion kag skin diseases.
Apang kalabanan sang mga restaurants ang ginarekomendar ini bilang maayo kag nutritious nga paagi sa pang pabugnaw sa tion sang mainit nga summer season.
