Ginaplastar na ang venues kun diin patigayonon ang pay out para sa ayuda nga ihatag sa mga tricycle drivers ukon operators sa ciudad sang Bacolod.
Suno kay Bacolod City Mayor Greg Gasataya, ginafinalize na lang kag ginahulat ang update gikan sa Department of Social Welfare and Development Negros Island Region (DSWD NIR) nga amo ang maspearhead sa pagpanagtag sang ayuda.
Suno diri, may apat ka location nga ginset para sa pay out kag patigayonon ini alphabetically agud nga wala sang pagginutok kag may mabilin pa nga mabyahe sa dalanon.
Kapin 900 ang nag-apply para makakuha sang financial assitance nga P5,000 apang may yara sang nadisqualify.
Iban sa mga nadisqualify amo ang mga nagpalista na sa ciudad sang Bacolod apang may pangalan man sa pihak nga ciudad bangod nagabyahe sila sa boundary amo nga nagadul-ong kag nagakuha sila sang pasahero sa duha ka ciudad.
