Ginkumpirmar ni Vice President Sara Duterte nga si Nicholas Kaufman ang magatindog bilang lead counsel ni Former President Rodrigo Duterte sa kaso nga crimes against humanity sa International Criminal Court (ICC).
Santo sa roll of counsel nga narehistro sa ICC, si Kaufman ang isa ka British kag Israeli national.
Siya ang nagserbe nga legal counsel sang former militia leader sang Central African Republic nga si Maxime Jeoffroy Eli Mokom nga nag-atubang man sa ICC.
Nangin abogado man ini ni Aisha Gaddafi ang bata nga babayi ni Muammar sang Libya.
Magluwas kay Kaufman, kabahin man sang legal team ni Ex-Pres. Duterte sanday former executive secretary Salvador Medialdea kag former presidential spokesperson Harry Roque.
Sa pihak nga bahin, ginatos ka mga Pilipino ang nagtipon sa Liwasang Bonifacio, Manila kahapon bilang pagsuporta kay former president Rodrigo Duterte.
Santo sa report sang Manila Police District nga nagdeploy sila sang security agud nga ipabilin ang kalinong kag paghatag sang seguridad sa kapin isa ka libo nga mga attendees sang Duterte Prayer Rally.
Samtang nagpatigayun man sang motorcade ang mga supporters sang anay presidente sa nagkalain-lain nga bahin sang Metro Manila.
Ginapanawagan sang mga ini nga ibalik ang anay presidente sa Pilipinas gikan sa International Criminal Court (ICC).
