Ginpahayag ni Vice President Sara Duterte nga ang ibaligya nga P20 kada kilo nga bugas sang gobyerno ang dapat makaon sang tawo kag indi pagkaon sang sapat.
Sa pagbisita sa mga evacuees sang Bulkan Kanlaon sa banwa sang La Castellana, Negros Occidental, si VP Sara ang nagpangpanghatag sang 25 kilos nga bugas sa tagsa ka pamilya.
Nahibaluan nga may masobra dos mil pa nga pamilya sa evacuation centers sang banwa.
Kadungan sang pagbisita, isa sa napamangkot sa bise presidente ang reaksyon sini sa anunsyo sang Department of Agriculture nga magapatuman sang P20 kada kilo sang bugas, nga suguran sa Visayas kag magalawig tubtob 2028.
Suno kay VP Sara, sa kampanya pa lamang pagbinutig na ang ginhambal ni President Ferdinand “Bongbong” Marcos Jr. nga P20 nga presyo sang kada kilo sang bugas bangod ini ang indi mapatuman kag wala makahibalo kun paano ipatuman.
Nagapati ini nga ginpasalig lamang sang Presidente ang mga tawo.
Dugang pa sang Bise Presidente nga kun mapatuman man, ang ibaligya nga P20 kada kilo ang indi makaon sang tawo, kundi damog sa baboy.
Pahanumdom ni Duterte nga indi sapat ang mga Pilipino.
