Gindefer ni Vice President Sara Duterte sa discretion sang House of Representatives ang plenary deliberations sa proposed 2025 budget sang Office of the Vice President.
Sa isa ka sulat nga naka-address kay Lanao del Sur Rep. Zia Adiong, designated sponsor sang proposed P2 billion budget sang OVP para sa 2025 sa House plenary, ang OVP ang nakasubmit sang tanan nga required nga dokumento sa House Committee on Appropriations natuhoy sa budget request sini.
Suno diri, ini ang ginpalab-ot kay Speaker Martin Romualdez kag sa panel chairperson nga si Ako Bicol party-list Representative Zaldy Co.
Suno kay Duterte, ginabilin na sang OVP ang deliberasyon sang budget proposal sa plenary sa jurisdiction sang Kamara.
Ang sulat sang bise-presidente ang napetsahan Setyembre 11 kag ginbaton sang Setyembre 16.
