Ginpanginwala ni Vice President Sara Duterte ang mga claims nga siya ang magapamuno sa opposition batok sa administrasyon ni President Ferdinand Marcos Jr. matapos ini nagresign sa iya Gabinete.
Suno sa bise-presidente, wala ini nagagiho para sa administrasyon, oposisyon ukon politika bangud ang kada tikang sini ang nagabase sa kun ano ang magabulig sa mga Filipino.
Madumduman nga sang Hunyo, nagresign ang bise-presidente bilang tiglikom sang Department of Education kag vice chairperson sang National Task Force to End Local Communist Armed Conflict (NTF-ELCAC), matapos ang tensyon sa tunga sang pamilya Marcos kag Duterte.
Wala naman ini nagrekomendar sang bag-o nga pinuno sang Department of Education kag ginpahayag nga ang pagpili sini ang dapat magabase sa “trust and confidence.”
Suno diri, ang Presidente ang magapili sini bangud dapat ini ang iya ginasaligan.
Sa iya nabilin nga mga inadlaw bilang tiglikom sang DepEd, ginpahayag sini nga siya ang mangin present sa tanan nga national events nga patigayunon sa Cebu sa bulan sang Hulyo.
