Ginpahayag ni Vice President Sara Duterte nga pabor ini sa hagna nga ginaduso ni Davao Representative Paolo Duterte nga nagamando sang random drug tests sa tanan nga elected kag appointed government officials lakip na ang Presidente.
Suno sa bise-presidente, suportado sini ang nasambit nga hagna bangud dapat siguruhon nga ang mga pinuno ang yara sa insakto nga panghuna-huna lakip na siya bilang bise-presidente.
Sa idalum sang House Bill 10744, ang random drug test ang magagamit sang hair follicle samples.
Kun magpositibo ang isa ka indibidwal, magapatigayon sang isa ka confirmatory urine drug test.
Suno pa sa hagna, ang mga kandidato para sa electoral post ang precluded sa pagpaidalum sa voluntary hair follicle drug test sa sulod sang 90 ka adlaw antes ang Eleksyon.
Suno sa bise-presidente, nagkasugot ini sa request sang pila ka mga pumuluyo nga siya ang magpaidalum sa drug test kag ginadihon na sa karun sang iya team kun paano ini himuon.
